أمينة بتقولك

سمات الشخصيه المًُضحيه

تشاركنا الإعلامية الشابة ندي إمام كلماتها عن الشخصية المُضًحيه قائلة | الشخصيه المضحيه ( سواء ست او راجل ) الشخصيه اللي بتيجي علي نفسها دايما عشان غيرها و اللي مبتفكرش في مصلحتها و تضحي بيها عشان مصلحه اللي بتحبه و اللي بتخاف علي زعل الناس اكتر من خوفها علي نفسها .

الشخصيه اللي طول الوقت بتفكر تسعد اللي حواليها حتي لو كان علي حساب سعادتها .

الشخصيه دي الناس بتحبها بس للاسف مبتعملهاش حساب الناس بتحبها لانها بتساعد و بتدي من غير تفكير بس مبيعملوش حساب زعلها و لا بيخافو علي مشاعرها لانهم عارفين انها هتسامح دايما و مش هتفكر تعاتب و لا تزعل ..

 

اتكرر قدامي اكتر من مره قصه الست اللي ضحت بشغلها و فلوسها و مستقبلها عشان خاطر الراجل اللي بتحبه و حياتها معاه و في الاخر مبقاش يعملها حساب و لا بيعمل اي مجهود عشان يحافظ عليها و يفرحها و يحسسها انه مقدر تضحيتها لانه بمنتهي البساطه شايف ان ده امر طبيعي .. مش عارفه ايه الطبيعي في ان الست تضحي بشغلها و كيانها عشان خاطره بس هو شايف ده العادي و المفروض يحصل .. اغلب الرجاله بيحبو الست المضحيه بس ميتعبوش نفسهم عشان يحافظو عليها و يفرحوها ..

 

قصص تانيه عن الاخ الكبير اللي عاش عمره كله يشتغل و نسي نفسه عشان يكبر اخواته و يساعدهم في حياتهم فضحي بنفسه و حياته و مستقبله و في الاخر كل اخواته شافو حياتهم و نسيوه و شافو ان اللي عمله حاجه عاديه يتقاله عليها شكرا و خلاص بس محدش فكر يحسسه بقيمه تضحيته عشانهم .. حكايات كتيره بشوفها بطلها الشخصيه المضحيه للاسف نهايتها بتكون وجع و زعل و قله تقدير .. و خلاصه كل الحكايات دي معادله بسيطه .. ضحي عشان الناس بس مش علي حساب نفسك ..

 

ساعد اللي حواليك يبنو نفسهم بس متهدش نفسك .. خاف علي زعل اللي قدامك بس كمان متجيش علي نفسك .. خليك مضحي بس بحساب عشان الكل يحبك و يعملك حساب.

 

تقدري تتواصلي مع ندي إمام وتقوليلها رأيك بكل صراحة وكمان تكوني ضمن المتابعين ليها بشكل مستمر من هنا 

عن الكاتب

Eman Salem

Eman Salem

اترك تعليقك