أمينة بتقولك

 عشان بتحبيه مش شايفه عيوبه

تكتب إلينا ندي إمام اليوم سطور بعنوان  عشان بتحبيه مش شايفه عيوبه” قائلة …

 

عشان بتحبيه مش شايفه عيوبه ما هي مراية الحب عميا .. جمله اتقالت لكتير مننا لما ينكون في علاقه عاطفيه خصوصا لو الطرف التاني عنده هيوب واضحه للناس اللي حوالينا و بيكونو مستغربين احنا ازاي مكملين و راضين بالعيوب دي .. بس احنا بنكون عارفين و شايفين العيوب في اللي بنحبهم لكن حبنا بيخلينا نعمل نفسنا مش واخدين بالنا .. الحب بيخلينا نتغاضي عن حاجات كتير مش صح .. فبنلاقي نفسنا بنكبر دماغنا عن اسلوب وحش في التعامل من الطرف التاني و نقول اكيد مش قاصد .. بنطلع اعذار لقله الاهتمام و التقدير و نقنع نفسنا و اللي حوالينا بيها مع اننا متأكدين ان الاعذار دي وهميه .. بس ده مش معناه ان مراية الحب عميا بالعكس مراية الحب بنشوف فيها الصوره بكل وضوح .. مراية الحب بتورينا العيوب قبل المميزات بس احنا اللي بنختار اننا منشوفش العيوب الواضحه قدمنا بس لاننا بنحب .. احنا اللي بنقرر نتعايش مع العيوب دي و نرضي بيها .. في اوقات التعايش ده بينجح و العلاقه بتكمل بس ده لما بيكون الطرف التاني معترف بعيوبه و مقدر ان اللي معاه موافق و متعايش مع العيوب دي .. لكن لو الطرف التاني مش شايف و عارف ان عنده عيوب الموضوع بينتهي بفشل ذريع لانها هتكون علاقه غير سويه فيها طرف دايما بيجي علي نفسه عشان طرف مش حاسس اصلا ان اللي معاه بيضحي عشانه .

 

شاركينا بكل ما يجول في خاطرك عبر رسائل الصفحة الرسمية للموقع 

عن الكاتب

Eman Salem

Eman Salem

اترك تعليقك