المنزل

النيش موروث خاطئ

النيش موروث خاطئ
النيش موروث خاطئ

 النيش موروث خاطئ أم أنه عاده مكتسبه ..أم أنه شئ لابد منه بكل منزل عصرى.. وهل يعد من الكماليات

بالمنزل أم من الضروريات .. النيش مابين الموروث والتعود والضروريات للحياه بمنزل الزوجية.

النيش يعتبر كلمه فرنسيه الاصل وتعنى المكان القيم واللائق للاشياء القيمه.

إقرأ أيضا:- أضيفى لمساتك الخاصة لديكور مملكتك

فى زمان بعيد قليلا  عندما كانت جدتى عروس لم يكن للنيش إستخدام بل أنه لم يكن له وجود كان هناك ما

يسمى “بالنمليه” وكانت مستلزمات المطبخ بالكامل توضع فيها.

ولكن كان هناك دولاب خاص بالفضيات فقط توضع به الأشياء القيمه ولم تكن كل الأشياء وإنما ما يجعل الشكل

العام لذلك الدولاب مقبولا شكلا وموضوعا.

وبعدها أمى لم يكن هناك الحاجه  فى وقت  والدتى ووالدتك ما اتجوزوا لم يكن للنيش وجود وكل تلك الأشياء التى

توضع فيه فقط  كان السفره ومعاها عدد 1 أو 2 بوفيه وكان الصينى بيتحط فيه .

ومع الوقت البوفيهات اتلغت وأصبح هناك نيش ولابد أن يكون ليه رصه معينه وحاجات معينه بتتحط فيه وطبعا بارضو كان ليه

حجم معين وكان حجمه كبير لدرجه ان ممكن كل ادوات المطبخ تتحط فيه  .

ومع مرور الوقت النيش بقى معاه البوفيه واحيانا كتير العروسه  بتصر على وجود بوفيه مع النيش لدرجة ان جوازات

ممكن تبوظ بسبب عدم وجود البوفيه .

وبدأ حجم النيش يقل ولان واضح جدااا ان النيش مهمه جدااااا فى اى جهاز عروسه العروسه ممكن يكون عندها استعداد

تتنازل عن تربيزة السفره نفسها لكن متتنازلش عن النيش ودا فعلا حصل فى بعد التجهيزات .

النيش موروث خاطئ

زمان فى الطبقه الاستقراطيه والمتوسطه مكنش فى موضوع النيش ولكن كان اسمه دولاب الفضيات

وكانت الاشياء القيمه بس هيا اللى بتكون فيه وتكون الفضيات اللى بتتقدم للضيوف لكن كل ما يخص من

صينى وكاسات كان مكانها بالمطبخ ..

 

على الرغم من غلاء الاسعار الا ان بعض البنات معندهمش استعداد ابدا التنازل عن النيش واساسياته بكل

ما فيها وان لازم النيش يكون جاهز من كل احتياجاته.

اكيد طبعا كل دا بيكلف الاسره مبالغ كبيره جهاز العروسه بالنسبه للبعض ليس الا ايه اللى هيتحط ف النيش

والناس هتيجى تشوفوا .

ويكون عامل ازاى ولازم الطقم الصينى يكون بفصوص بغض النظر عن الاسعار مثلا بلقاءنا ببعض العاملين ببعض

محالات قالوا .

ان العروسه عندها استعداد تشترى طقم كاسات ممكن يبدأ من 700 جنيه الى 1000 جنيه ودا لانه كريستال

وان لازم الطقم الصينى اللى بـ7000جنيه علشان فيه فصوص وانه لازم يكون 133 قطعه ولو  فى اكتر ممكن تجيبه عادى ..

لكن الطبيعى ان ممكن العروسه تتنازل عن النيش وانها تجيب طربيزه السفره وممكن يكون معاها بوفيه  جزء من

جهازها يكون بالمطبخ اللى هتستعمله والجزء التانى وباقى الاحتياجات يكون بالبوفيه.

الموضوع ببساطه محتاج فكر البنت واهلها يتغير علشان فكر المجتمع نفسه يقدر يتغير.

وفى بدائل للنيش توفيرا للمساحه وللميزانيه أيضا وعلشان كدا قررنا ناخدك فى جولة معانا عن النصائح للبدايل :-

النيش ماهو الا عباره عن دولاب خشبى كبير بيتم تقفيله بشكل كامل بالزجاج لإظهار ما بداخله من قطع صينى

وليس هناك أى مانع من وجود بعضا من التحف الصغيره أو قطع كريستال لإضافه لمسه جماليه على النيش .

ولكن بيبقى كل ذلك ماهو إلا شئ للتفاخر فقط لا غير أمام الأهل والأصدقاء ولكنه بالأكيد أهدار كامل للميزانيه ولمساحه

البيت التى يمكن أستغلالها على أكمل وجه .

– الأرفف بشكل منظم وجمالى من الممكن أنك تكون بديلا للنيش ويتم وضع فيها بعض القطع الخاصه

بالصينى مثلا ومعها بعض الكتب أو قطع من التحف الصغيره أو الصور كشكل جمالى للديكور وجديد.

– من الممكن أستخدام الدواليب الخاصه والتى تكون قطعه من الحائط لأستغلال مساحة المنزل احسن

أستغلال ويمكن توزيع القطع عليها بشكل متناسق.

– البوفيه إذا كان ذو شكل جمالى وليس كبير فوق اللازم يمكن أستخدامه كبديل عن النيش ويمكن

أستغلال فى أشياء أخرى كثيره.

– إذا كنتى ممن يحبون القهوه والنسكافيه أو شريك حياتك فمن الممكن أستبدال النيش بركنيه خاصه

للقهوه يمكنك أن تبدأى يومك من خلالها ولها أشكال عديده تناسب الطابع العصرى حتى بالمنازل الكلاسيكيه.

– ولو كنتى ممن يحبون القراءه والثقافه والأطلاع فيمكنك أن تستعينى بمكتبه على شكل عصرى يتناسب

مع ديكور المنزل الجديد بها بعضا من الكتب والسى دىهات للموسيقى لخلق جو من التناغم بالبيت.

إقرأ أيضا:- عندنا إستعداد نستغنى عنه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق