منوعات واخبار

تربية القطط وتربية الأبناء ؟ هل هناك عوامل مشتركة !

تربية القطط وتربية الأبناء ؟ هل هناك عوامل مشتركة !بقلم | مدون

في يوم من الأيام كنت راجع من الشغل والطبيعي إني بحب أركن العربية في الجراج فنزلت من العربية

وفتحت باب الجراج وأنا رايح أركب العربية لقيت قطة بنت ناس وجميلة وشكلها من عيلة محافظة دخلت الجراج في هدوء وسكينة كده مش زي بقية القطط اللي متربية فالشوارع

قلت طبعا مش هسيبها جوه عشان مقفلش عليها فدخلت اهشها واطلعها من الجراج الغريب انها فضلت تبص ليا ومستجبتش بسرعة وخرجت زي قطط الشوارع

الموضوع ممكن يبقى بالنسبة لكتير طبيعي وعادي لكن الصراحة الموضوع أثار انتباهي وقعدت احلل القصة لقيت ميكس غريب سميته ( منظور القطط في تربية الأطفال)

القطة اللي قابلتها كانت متربية تربية بيتي منغلقة أكيد طبعا عشان صحابها خايفين عليها تتوه أو تضيع وكمان خايفين عليها تتبهدل أو الناس تتعامل معاها بقسوة

التربية بالشكل ده تربية محترمة مفيش خلاف على كده لكن في نفس الوقت القطة ده كان عندها برده مشاكل كبيرة بتقول إن التربية المنغلقة ده بتسبب مشاكل أكبر لكن قدام

التربية المنغلقة ده عامل أمان للي بيربيها فالوقت الحالي لكن مبتقدرش تخلي القطة ده تعرف تتعامل في المستقبل أو في أي مشكلة ممكن تحصلها فجأة

التربية المنغلقة بتخلي الدماغ تتبرمج على معتقدات وطريقة تفكيرأحادية وبتوقف عند القطة سرعة البديهة والتفكير والتعامل في أوقات الخطر بحسن نية وتسليم كامل إن الطبيعي فالمجتمع إنه هيتعامل معاها على إنها قطة بيتي زي ما اتربت في بيت أهلها أو صحابها

لما نيجي نطبق الكلام ده سوا على أولادنا هتلاقي 3 أنواع للتربية

التربية من منظور القطط البيتي ( التربية المنغلقة)

التربية من منظور قطط الشوارع

التربية الوسطية الجميلة خلينا نسميها تربية الشوارع البيتي : –

مشكلة أول طريقة هي نفس مشكلة القطة المسكينة اللي حكيت قصتها إن ابنك إو بنتك هتواجه المجتمع بطريقة صادمة وهنا يا يقدر الطفل يتعامل مع المجتمع يا يتصدم صدمة عمره

التربية التانية هي اللي كتير من جيل الأيام ده بيربي بيها ارمي الواد البحر عشان يعرف يتعامل وده نتيجتها إنها خلفت لنا جيل نسي التربية البيتوتية الجميلة ومقدرش يفرق بين صح وغلط لما اترمي فالشارع عشان يجرب وخد كل الشارع بمساوءه وترابه وبهدلته

النوع الأخير تربية الشوارع البيتي هي ميكس بين الأولى والتانية هي إنك تبني بذرة قوية وصلبة من التقاليد والعادات الصح في طفلك بعد كده تسيبه ينزل الشارع يجرب ويتعامل وتتابعه وتشوف هل اللي زرعته فيه مات ولا قدر بيه يواجه الحياة

ربوا عيالكم صح حاسبوه بس بعد ما تربوهم صح وتوكل على الله ونزله الشارع وعينك عليه ورده دايمًا للأصل اللي عملته له فالبيت

الوسوم

AminaToday

AminaToday

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *